المنشور التاسع

سلام الخوت

شي واحد ارتب الاجزاء حيث خاصكم تفهمو لي فات عاد ندوز

نكملو..

تطبيقات ولا العاب

خويا نسا شي حاجة سميتها تطبيقات ...من واحد ما خلى مادار طبخ بالفرونسي بالصينية بالعربية بالدارجة

درت نكت وانا طالع ليا الدم درت طبخ ومفاهم والو اشناهوما هادوك الاكلات العجيبة

درت الشعر بكاع لغات كاع دنيا شعرت فيها وتغزلت فيها ووالو

اشنو لفرق بين الالعاب والتطبيقات؟

- الكليك

الالعاب الكليك خدام مزيان وخاصة من interstial يالله كيموت اللعاب واحد 3 او 4 تواني وكتبان ليه فوسط لعبة

وكتجيب كليك مزيان

التطبيقات كتجيب impression صافي

لي خدام مع ادموب معلومة كتنساوها

70 فالمية من الاعلانات لي كايبانو عندكم هوما كليك والباقي impression

داكشي علاش شحال من مرة تجيب 1000 impression وماتربح والو

ادموب شركة ديال الكليك والكليك كايتجاب ب interstial ..احسن وافضل اعلان كيجيب كليك هو interstial

اما banner راه قليل فاش كتجيب كليك الا الى كان مهتم نيت بهداك الاعلان لي باين تماك

اشنو فهمنا دبا

قبل مانختارو واش تطبيق ولا لعبة

خاصنا نشوفو شكون كيجيب الكليك كثر وانا كنقول ليك الالعاب 

حتى انا بحالكم صدروني للتطبيقات وفهمت لبلان بلي هير صدروني راكم عارفين علامن كندوي

التطبيقات راه والو ومافيها فلوس باي لغة ديرها راه والو سال المجرب

من اليوم هير الالعاب هادي هير اول طريق ديال لفلوس

حيث ادموب شركة ديال الكليك

مثال لصحاب 0.39

تخيل معايا داير تطبيق ديال الطبخ

اول مشكل هو تطبيق حصرتيه فنيش واحد هو الطبخ يعني يطلع حتى ف top categerie هير لي عندهم مع الطبخ هوما لي دوزو ليه هادشي 

الى طلع لتوب كاتيغوري

تاني مشكل التطبيق موجه لاكبر بلاصة فيها لكليك رخيص المغرب الدزاير الخخخ

تالث مشكل واكبرهم هدا تطبيق مكيجيبش لكليك اصلا

لكليك رخيص + كيجي قليل حيث دايرين تطبيق + لي عندهم مع الطبخ اغلبهم نساء

مايبقاش فيك لحال مللي دير 0.39

مثال واعر

داير لعبة ديال الجري فيها شخصية كوميك 

هادي لعبة اقدر العبها اي واحد ماحصرنهاش فنيش ولا هير مجموعة ديال الاشخاص

بحال لعبة سباق نتا كتحصرها فمجموعة وحدة هوما عشاق السيارات فقط 

انا كندير لعبة اقدر العب فيها كلشي على الاقل الاغلبية ديال الناس تبغيها

علاش؟

باش ملي نطلعها ل top new free

غادي نعرضها على بزاف ديال الناس

الى حطيت ليهم الطبخ مثلا راه هير لي عندو مع الطبخ غادي اجي

والى درت ديال السباق راه هير لي عندو مع السيارات هو لي غادي اجي

اما الى درتها ديال شي دري صغير كيجري مثلا ولا شخصية كوميك كتجري غادي تكون مناسبة للجميع وغادي نجيب ترافيك من top new free

كثر من صحاب الطبخ و العاب السباق وخا يكون معايا فنفس الترتيب ف top new free 

يتبع...