المنشور التالت

هاني رجعت
اول حاجة شكون انا
انا دري عندي 26 عام تعرفت على هاد الدومين ف لخر ديال 2014
بديت بحالكم بالتطبيقات ماشي الالعاب كالعادة كتفيق على 0.02 والى كثرتي 0.39
طلع ليا الدم قلت خاصني نفهم مزيان هاد الدومين
وليت كنجيب كييوورد من ادوورد من مورا هادشي وليت كنجيبهم من بلاي ستور
لموهيم ادراري هادي بدايتي وصافي باش ندخل فالمعقول
اول حاجة نتفاهمو عليها غوغل بلاي كطلبن ليك 5 ديال لحوايج صافي
- ايقونة
- سكرين شوت
- apk
- عنوان
- وصف

ياك مزيان؟
نحيدو كل وحدة بوحدة
- ايقونة هي اول حاجة كتشاف وهي لي كتخلي الناس ادخلو للعبة ديالك خاصها تكون واعرة وعاطيا لعين
+
كاين لوجيسيالات ديال icon creator قلبو عليهم فغوغل موجودين nulled
قلبو على هاد الكلمات غادي تعطيكم لوجيسيالات + خلفيات
icon creator nulled
app icon ios nulled
background app icon

- سكرين شوت دير فيها ديما شي حاجة عجيبة ديما الاكشن لي واقع فاللعبة اكون باين مثلا هاهو كيجري هاهو كيحنقز ديما الاكشن بينو مزيان حتى فالايقونة
ماشي ضروري تصور اللعبة وتحطها فالسكرين تقدر تحط هير خلفية فيها الشخصية و هادوك الوحوش(الاعداء) لي فاللعبة تزيدهم وغادي تخرج ليك سكرين واعرة

- apk يا اما لعبة ولا تطبيق راه باينة ...خدم ب 3دي خدم باكليبس خدم بconstruct2 خدم باش ما لموهيم ارا ليا apk

- العنوان والوصف هنا فين كاين الخدمة

اول حاجة اشنو هي احسن كلمة مفتاحية؟

احسن كلمة مفتاحية لتجيب فلوس هي كلمة تكون طالع فيها وعليها الترافيك زعما الناس كيقلبو عليها كل نهار بحال كلمة jungle

ولكن المشكل كثر من 200 لعبة كاينة دايرة هاد الكلمة متقدرش طلع فيها خاصك التحميلات

كفاش الروبو ديال غوغل كيرتب التطبيقات؟

نقول ليكم واحد الحاجة وباختصار؟

جيب التحميلات طلع فاي كلمة بغيتي خليني من النجوم التعليقات الخ

جيب التحميلات طلع فاي كلمة بغيتي هادي لي كنعرف داكشي لاخر كيجي بوحدو

هداك الروبو ماكايفهم غير التحميلات

بغيتي طلع top categorie جيب التحميلات بزاف

بغيتي طلع ف top new free جيب التحميلات فاسرع وقت

انا داير jungle وكتجيب ليا الترافيك بزاف كتبوها ف searchman.com وشوفو شحال ديال الترافيك فيها

ولكن خاصكم على الاقل 1000 تحميلة باش طلع فيها

من غير هادشي انا كنحظ بزاف ديال الكلمات .. jungle هير وحدة منهم

يتبع.. الجزء التاني