المنشور الخامس

هاد الدومين فيه بزاف ديال الخطط لي تقدرو تخدمو بيهم لموهيم ركزو معايا مزيان وغادي نعطيكم كولشي

* الخطة الاولى (نجيبو كلمات عليهم ترافيك مزيان ونطلعو فيهم) هاد الخطة عارفها كولشي

المشكل الحقيقي فهاد الخطة هو كفاش نطلعو فهادوك الكلمات (زعما منين نجيبو التحميلات فابور لي غادي اطلعونا فهادوك الكلمات)

اما الكلمات المفتاحية لي عليها ترافيك مزيان موجودين بلا عدد راه مليون كلمة مفتاحية كيتقلب عليها كل شهر فالستور

نعطيكم الحلول كاملة

بالفلوس

- تشري التحميلات من مواقع cpi الدفع مقابل التحميل.. وهادو غاليين كل تحميلة تقريبا ب 0.30

كاينين مواقع لي تعطيك تحميلات هير ب 0.01 ولكن هادو روبو ماشي اشخاص حقيقيين

- دير اعلان فيسبوك ...رخيص شوية .. غادي تخلص على المشاهدة و الكليك ماشي على التحميل

السر فهادي هو تدير شي اعلان واعر اقدر اجيب ليك التحميلات.. الفيسبوك هير كيعرضك للناس ولكن نتا لي خاصك تجيب التحميلات

- دير اعلان cpm فادموب نيت ولا اي موقع عندو interstial + banner هادو كاملين تقدر تجيب منهم تحميلات

ولكن غادي تخلص هير على المشاهدة و الكليك التحميلات نتا لي كاتجيبهوم بهاديك التصويرة لي درتي ف banner + interstial

كاين revmob chartboost admob etc

بيليكي

- مجموعات تبادل التحميلات

- مواقع تبادل التحميلات

- اي بلاصة فالانترنت فيها الناس كيقلبو على التطبيقات

منتديات مواقع وكاع هادوك المواقع لي بحال فيسبوك تويتر ...الخ

فالحقيقة نوريك اش دير جيب تصويرة واعرة ديال التطبيق ديالك و شي جملة ولاجوج مزيانين وكوبي كولي فاي بلاصة لقيتيها ديال الموبايل

هادي هي حاجة فابور نشر نشر نشر فاي بلاصة شفتيها كوبي كولي كوبي كولي

كاينين سكريبتات ديال النشر فيسبوك حتا هوما مزيانين

ولكن واش خويا غادي نبقا هير نشر واش غادي نربح؟

فهمني خويا حنا بغينا نجيبو التحميلات ماشي باش ربحو منهم لا .. غادي نتقاتلو باش نجيبو تحميلات 

فقط باش اطلعونا فهادوك الكلمات المفتاحية لي دايرين فالعنوان و الوصف فالتطبيق ديالنا

داكشي علاش خاصك تقاتل ومكاين هير كوبي كولي حنا الغراض ديالنا هير التحميلات... منين ما جاو هانية من اي دولة

جيب التحميلات.. هادوك الكلمات المفتاحية لي حاط غادي اطلعو مزيان

الى كانت كلمة ninja run محتاجة 5000 تحميلة مثلا باش طلع مع 100 لولين فيها

خاصك تقاتل وتجيب هاد العدد 5000 هادشي لي كاين والبقية راكم عارفينها ايقونة وسكرين

الخطة التانية (نجيبو كلمات مفتاحية عليهم ترافيك مزيان ولكن حنا طالعين فيهم حيث المنافسة قليلة)

اول حاجة اشناهيا هاد المنافسة؟

شوف خويا.. اي واحد كاتب ديك الكلمة المفتاحية ديالك فالعنوان ديالو هداك منافس

قلب على ديك الكلمة فالستور وديرها مابين هادو " " كاع هادوك لي حاطينها فالعنوان راهم منافسين

منين غادي نجيبو الكلمات؟

top new free

هاد المجموعة بالضبط نشرحها ليكم فيها العجب

شكون لي كايطلع فيها؟

الى حطيت تطبيق و تيليشارجاوه 1000 مغربي ف 5 ايام مثلا

ديريكت غادي نطلع ف top new free 

ولكن هير فالمغرب صافي

الى بغيتي تجيب كلمات من هاد المجموعة بدل اي بي هو اللول باش تشوف كل بلاد واشنو طالع فيها

كل بلاد ب top new free ديالها

هاد المجموعة غادي تلقا فيها بزاف ديال الالعاب والتطبيقات ومعاهم كلمات مفتاحية من هادوك لي بغينا

نشرح ليكم

غادي تلقى ف top new free

- العاب دايرين ليها ماليها اشهار و cpi الخ باش اجيبو التحميلات ديريكت كطلع ف top new

معندنا بيهم غراض حنا بغينا هادوك التطبيقات لي طالعين فابور

باش نقدرو نجيبو من عندهم هادوك الكلمات المفتاحية ديالهم لي طلعوهم ونديروهم عندنا

غادي تلقى

-العاب سبام (سبونج بوب. بن 10 . تين تايتن . ماريو. الخ) مكنقربش ليهم ابدا كنت فكرت ندوز ليهم ف شهر التاني فالدومين ولكن قلت

اللهم كونط فيه 1000 درهم ودايمة وواحد النهار غادي نتعلم وهاهوا جا الحمد لله

نوريكم السبام مدام انا معلم فالكيوورد؟

نفهكم مزيان لبلان كيف داير

اشنايها الميزة لي كاينة فالسبام وعلاش الدراري كايمشيو ليه؟

حيث فيها الفلوس (الترافيك)؟

لا اخويا الترافيك موجوووود فكلمات خرين نقدر نعطيك شحال ما بيتي ديال الكلمات عليهم الروشيرش + 100000 فالنهار

ولكن راه مايمكنش طلع فيهم.. اقل منافس فهادوك الكلمات غادي تلقا عندو + 10000 تحميل

ايوا علاش كايميشو لسبام؟

مفهمتيش زعما؟ فكر مزيان.. الترافيك راه موجوووود و حسن من سبونج بوب وماريو الخ .. ماشي قاضية ديال الترافيك

السبام كايمشيو ليه الناس على قبل حاجة وحدة ..حيث طالعين فهادوك الكلمات وماعندهمش منافسة(حتا واحد ماحطهم فالعنوان)

علاش معندهمش منافسة؟

حيث قليل لي يتجرأ ودير هادوك الكلمات فالعنوان ديالو الا قوم واحد راكم عارفين شكون ههه

حتا سبونج بوب ماتبقاش تقدر طلع فيها حيث ولات عليها منافسة وخا سبام ههه

ومدام قليل لي حاطهم + هادوك راهم رسوم والعاب مشهورة كيقلبو عليم الناس كل نهار

ناس كتقلب على ديك الكلمة وانا طالع فيها = $$$ 

لي بغا يغامر خاصو يعرف واحد الحاجة نتا كتغامر على الطلوع ماشي على الترافيك ولا الفلوس

راه هير حيث طالعين فهادوك الكلمات صافي ماشي جيث سبام فيه الفلوس

غادي تلقى كدلك العاب طالعين فابور هير ب aso وهادوك هوما لي بغينا

غادي نكمل ليكم راه هير تنكتب بلا ماراجع

وغادي نعطيكم methode لي ختارعت راسي ودارت ليا 140 فالنهار

اما دبا هير كنشرح ليكم الدومين كاملو كفاش داير

عاد ديك الساع نعطيكم الحل