المنشور الرابع

فهاد الجزء غادي ندويو على الكلمات المفتاحية
احسن كلمة هي كلمة كيقلبو عليها الناس و تكون نتا طالع فهاديك الكلمة
زائد الترافيك ديالها مزيان زعما كاينين شي ناس كيقلبو عليها
متنساوش هادي هير كلمة.. حنا غادي نديرو بزاف ديال الكلمات فكل تطبيق
مثلا قلنا كلمة 1 كيقلب عليها 100 فالنهار
كلمة 2 كدلك 100
كلمة 3 .....
كلمة 4 .....
الى كانو عندي فالعنوان + الوصف هاد الكلمات بربعة ..هدا يعني ان التطبيق ديالي كايبان ل 400 واحد كل نهار
دير ايقونة واعرة وعاطيا لعين + سكرين شوت وارا برع التحميلات غادي تجي
صافي هادشي لي كاين فالدومين
دير كلمات تكون طالع فيهم والناس كتقلب عليهم
وجد ليهم ايقونة وسكرين وهانتا بخير
مزيان هاكا؟
اوكي
ولكن كاين مشكل .. الكلمات لي عليهم الترافيك بزاف موجودين بزااااف نبدا من car racing الى غاية ninja الخ
الكلمات ادراري كيفما كتشوفو راه موجودين ولكن المشكل منقدرش نطلع فيهم حيث الروبو ديال غوغل كيرتب التطبيقات على حسب التحميلات
وحنا يلاه حطينا التطبيق باقي 0 تحميل
من هنا نفهمو بلي المشكل ماشي فالنيشات ولا الكلمات راه نعطيكم الالاف ديال الكلمات كيقلبو عليهم الناس ولكن ماتقدرش طلع فيهم.. مثلا راه
خاصك كثر من 5000 تحميلة باش طلع ف ninja .. عاد زيد الكلمات لخرين لي داير مع نينجا كاينة لي خاصها قل من 5000 وكاينة لي كثر الخ
لموهيم بغيتكم تفهمو بلي مكاينش نيش مربح ولا هاد التخربيق
كاينين كلمات كيقلبو عليهم الناس كل نهار و خاصنا نكون طالعين فهادوك الكلمات + نوجدو ايقونة مزيانة وسكرين شوت باش تكمل القاضية زعما aso
ضبرو على كلمات مطلوبين من searchman اي كلمة قدامها هداك المستطيل مكتوبة فيه volume من 50/100 راه عليها الترافيك
شوف الفرق مابين 
monkey 82/100
banana 82/100
jungle 25/100
vine 100/100
volume هي حجم الترافيك النسبة على 100 ماشي 100 واحد لا
هير النسبة زعما
هادو كلمات تقدر ديرهوم فعنوان واحد
+ 
الوصف دير فيه كلمات بحال هادو لي شفنا
الكلمات غادي تجيبهم من searchman من التطبيقات المنافسة شوف لي داير jungle مثلا غادي تلقى عندو banana 
ووحدين خرين شوف ديما volume
جيب شي خمسة كلمات اكون volume كثر من 50/100
وحطهم فالوصف
الى درتي هاكا غادي اكون عندك
9 ديال الكلمات فهداك التطبيق
4 فالعنوان
5 فالوصف
الى كل كلمة كيقلب عليها +1000 واحد راه كثر من 9000 واحد غادي اشوفك كل نهار ما عليك غير توجد ايقونة وسكرين
هادي هي الطريقة باش كنت خدام
لمشكل لي كاين هاد الكلمات ماتقدرش طلع فيهم ونتا عندك هير 0 تحميلة
هنا فين بقات
راه مابقاتش فالنيش
انا كنجيب كلمات عليهم الترافيك ماعارفش واش هدا نيش و لا
لي كنعرف كلمات عليهم ترافيك مزيان
خاصني هير نطلع فيهم وغادي نجيب فلوس
بحال دبا نيت عندي لعبة فيها banana و donkey
اش من نيش هدا؟ الله واعلم
مكنديهاش فالمسميات هدا نيش هدي نيشة ههه كنعرف لغة الكلمات المفتاحية
والكلمة المفتاحية تقدر تكون كلمة بحال donkey وتقدر تكون جوج كلمات بحال monkey island
ولا تلاتة كاع
لموهيم الكلمة المفتاحية هي كلمة كيقلبو عليها الناس
الناس اقلبو على monkey island ممكن
ولكن اقلبو على monkey shadow لا
انا دبا هير كنشرح ليكم الدومين ونوريكم فين كاين المشكل
تتمة الجزء التالت و الاخير