Monday, June 1, 2015

هدا موضوع خاص فقط بصحاب السبام

هدا موضوع خاص فقط بصحاب السبام
هكا كنسميه حيث غوغل ملي كتصيفط ليك اندار كيكون مكتوب فيه "باركا من spam اهيا " ههه
صافي من تماك هاد الطريقة ديال الكلمات لي عليها حقوق انا سميتها بالسبام

هاد الطريقة وريتها لخويا كبير هاد الشهر دار بيها 8 مليون... كثر مني
كيف العادة خاصني نعاود ليكم على البلان كفاش داير عاد نشوفو كفاش نخدمو
واحد الموضوع حطيتو شرحت فيه علاش الدراري كيميشيو لسبام
لي ماشافوش هاهوا

---
-العاب سبام (سبونج بوب. بن 10 . تين تايتن . ماريو. الخ) مكنقربش ليهم ابدا كنت فكرت ندوز ليهم ف شهر التاني فالدومين ولكن قلت
اللهم كونط فيه 1000 درهم ودايمة وواحد النهار غادي نتعلم وهاهوا جا الحمد لله
نوريكم السبام مدام انا معلم فالكيوورد؟
نفهكم مزيان لبلان كيف داير
اشنايها الميزة لي كاينة فالسبام وعلاش الدراري كايمشيو ليه؟
حيث فيها الفلوس (الترافيك)؟
لا اخويا الترافيك موجوووود فكلمات خرين نقدر نعطيك شحال ما بيتي ديال الكلمات عليهم الروشيرش + 100000 فالنهار
ولكن راه مايمكنش طلع فيهم.. اقل منافس فهادوك الكلمات غادي تلقا عندو + 10000 تحميل
ايوا علاش كايميشو لسبام؟
مفهمتيش زعما؟ فكر مزيان.. الترافيك راه موجوووود و حسن من سبونج بوب وماريو الخ .. ماشي قاضية ديال الترافيك
السبام كايمشيو ليه الناس على قبل حاجة وحدة ..حيث طالعين فهادوك الكلمات وماعندهمش منافسة(حتا واحد ماحطهم فالعنوان)
علاش معندهمش منافسة؟
حيث قليل لي يتجرأ ودير هادوك الكلمات فالعنوان ديالو الا قوم واحد راكم عارفين شكون ههه
حتا سبونج بوب ماتبقاش تقدر طلع فيها حيث ولات عليها منافسة وخا سبام ههه
ومدام قليل لي حاطهم + هادوك راهم رسوم والعاب مشهورة كيقلبو عليم الناس كل نهار
ناس كتقلب على ديك الكلمة وانا طالع فيها = $$$
لي بغا يغامر خاصو يعرف واحد الحاجة نتا كتغامر على الطلوع ماشي على الترافيك ولا الفلوس
راه هير حيث طالعين فهادوك الكلمات صافي ماشي جيث سبام فيه الفلوس
---

اشنو فهمنا دبا
كنمشيو لسبام فقط حيث طالعين فهاديك الكلمة حيث مفيهاش منافسة

مثلا sonic
كلمة خاصة بلعبة مشهورة
كل نهار كيقلبو عليها بزاف ديال الناس
اي واحد غادي احط sonic فالعنوان غادي اطلع فيها حيث قليل لي دايرها فالعنوان او الوصف
هير حط هديك صونيك فالعنوان ديالك وهانتا طالع مع 50 لولين تقريبا ب 0 تحميلة
اجيو التحميلات ديال يومين وغادي تلقا راسك مع 10 لولين

* جيب اي كلمة عليها حقوق وحطها فالعنوان وهانتا طالع هدا هو السبام *
حنا دبا هير كنشرحو السبام كفاش داير حتى الاخر وغادي نعطيكم methode ديال السبام الاحترافية والعادية
* اشناهيا الكلمات لي عليها حقوق
اي كلمة مشهورة كيف ما كانت ... لموهيم عندها مولاها .. يا شخصية ولا شركة
ولكن حنا بينا الكلمات لي اخدمو لينا فغوغل بلاي ماشي اي كلمة عليها حقوق راه خدامة لينا

اشنو هيا الكلمات لي خدمو لينا فغوغل بلاي؟
-اولا الرسوم بكاع الانواع ديالها الرسوم المتحركة راكم عارفينهم من ben 10 حتى ل oggy الخ
- تانيا الالعاب بكاع الانواع
*العاب البورتابل من candy crush حتى ل angry bird اي لعبة مشهورة فغوغل بلاي بشرط اكون الناس عارفينها وكيقلبو عليها
حيث كاينين العاب دايرين +10 مليون تحميل ولكن ممعروفينش عند العالم خدامين هير ب aso ودايرين فالعنوان كلمات عاديين ماشي سمية مشهورة
ماشي بحالangry bird السمية ديال اللعبة مشهورة فالعالم
*العاب playstation كاملين ديال 1 و 2 و 3 و 4 اي لعبة ديال البلاي مشهورة غادي تكون مطلوبة فغوغل بلاي وهادشي غادي نشوفوه من adword keyword tools
*العاب xbox كدلك المشهورين ف xbox غادي اكونو مطلوبين فغوغل

هادو هوما الانواع لي غادي اخدمو لينا فغوغل بلاي اما الشخصيات المشهورة بحال الفنانين الخ.. اقدر اخدمو مزيان فالتطبيقات ماشي الالعاب
دبا فهمنا اشناهوا السبام واشناهما الكلمات لي غادي نخدمو عليهم
اشنو بقا لينا
كفاش غوغل كتعامل مع صحاب السبام؟

غوغل عندها جوج انواع ديال الاندارات صفر وحمر
**** صفر : كل ما عليك هو تبدل فين كاين المشكل وتعاود تصيفط وغادي احيد
- الى كنتي داير حشو للكلمات المفتاحية فالوصف غادي تصيفط ليك اندار صفر على stuffing keyword زعما حشو الكلمات
ماعليك الا تحيد هدوك الكلمات وتصيفط اللعبة وغادي تقبل .. صافي غادي امشي الاندار

- الى كنتي هاز التصاور من google images وكانت عندها حقوق غادي تصيفط ليك اندار صفر باش تحيد التصاور ومن بعد غادي تحيدهم وتصيفط غادي تقبل وامشي الاندار
متنساوش راه الى صيفطات لينا هاد الاندار وبدلنا فين كاين المشكل راه مشات لينا اللعبة فالحقيقة.. علاش؟
نفهمكم مثلا انا داير صونيك فالوصف صيفطات ليا غوغل اندار ديال حشو الكلمات... غادي نحيد هير هديك صونيك من الوصف ونصيفط.. صافي غادي دوز اللعبة
ولكن حنا ضعنا فصونيك ياك؟
نتمنى تكونو فهمتو
ولكن هانية غادي نعاود نحطو لعبة مرة اخرى وغادي دوز

*** حمر : كيعني سدان ديال اللعبة
- الى كنتي داير تصويرة ديال صونيك مثلا فالايقونة + الكلمة فالعنوان = غادي تسد اللعبة
الى كنتي داير هير التصويرة ديال صونيك فالايقونة غادي تسد ليك اللعبة
العنوان + الايقونة = سدان
الوصف هو لي تقدر تشد فيه هير اندار صفر
اما العنوان والايقونة سدان ديريكت

*** دبا نشوفو امتا غادي يتسد ليك الكونط
اولا حنا فاش كنحطو شي لعبة خاصها دوز اولا ومن بعد هانية
واحد 15 يوم ولا شهر ولا كثر عاد غادي تسد هديك اللعبة

حنا اهم حاجة هي اللعبة تقبل بعدا وديك الساع راه غادي تعيش واحد الشهر مثلا حتى دير ليك فلوس
methode ديال السبام احترافية وعادية
احترافية
انا ناوي نسبامي mario
الكلمة لي كيقلبو عليها الناس بزاف على ماريو هي super mario world

فالوصف غادي نحط mario فهداك السطر اللول ديال 167
وفالعنوان
نكتب مثلا super jario world
super dario world
super nario world

بدلت Mario ب Jario
هير حرف واحد لي بدلت m ب j

عاد زيد انا حاط mario فالسطر اللول ديال الوصف (دوينا عليه راه بحال عنوان صغير)
ولي متبع معايا مواضيعي غادي افهم خصوصا ديك القاضية لي قلت ليكم ديال لي حاط فالعنوان banan راه غادي طلع وخا شي واحد قلب على banana
حيث الروبو كيعتابرها هي نيت banana 
حنا درنا jario wlla dario wlla fario روبو غادي اطلعنا مع ترافيك ديال ماريو حيث غادي احسبها ماريو ماشي جاريو
ومن لفوق حنا دايرين ماريو كاملة ف السطر اللول ديال الوصف donc طالعين طالعين

غادي نطلع فماريو وبلا مانديروها فالعنوان
هكا حنا كنغامرو هير فاندار صفر ديال keyword stuffing 
ولكن بشرط ماديرش ماريو فالايقونة ولا فالعنوان

العنوان = سدان اللعبة
الايقونة = سدان اللعبة
الوصف = اندار صفر

هدي خدمة احترافية كتغامر هير على قبل اندار صفر ولكن انا كنفضل تخدم خدمة عادية
حيث هادي كايديرها لي غادي اخدم فالسبام ديما بحال خويا
ديك الساع كتولي تفكر فاقل الخسائر حيث غادي تبقى ديما خدام هير فالسبام

** methode عادية والنهاية ديالها معروفة
غادي ابقا لكونط واحد الشهر تقريبا و اتسد تكون نيت جمعتي فلوس مزيانة

* العنوان
الى كانو هادوك الرسوم كلمة وحدة دير حداها كلمة اخرى عادية مثلا كلمة sonic غادي تولي 
sonic jungle
الى كانت جوج كلمات دير فوسطهم كلمة عادية مثلا كلمة adventure time
adventure jungle time
ساهلة
كلمة وحدة زيد حداها كلمة
جوج كلمات دير فوسطهم كلمة

* الوصف
غادي تمشي ل wikipedia ديال دوك الرسوم وغادي تهز كاع الكلمات لي عندهم علاقة بهادوك الرسوم
مثلا sonic كاينة the hedgehog ملاصقة معاها وكاينة sonic boom الخ
اي كلمة كتكون مرتابطة مع الرسوم حطها فالوصف بحال الطريقة لي شرحت ليكم باش تكتبو وصف مزيان
جمع كاع دوك الكلمات ودير وصف عادي كتشرح فيه اللعبة وحط هادوك الكلمات فيه
هادوك الكلمات اقدرو اكون عليهم حقوق ولا لا
هانية حطهم كاملين بحال the hedgehog ماعليها حقوق حيث المعنى ديالها هو قنفد ولكن لاصقة مع صونيك
وكاينين كلمات لاصقين مع صونيك وعليهم حقوق لموهيم نتا دير كاع الكلمات حقوق ولا لا بحال بحال حنا اصلا خدامين سبام

الايقونة يا اما غادي تقلب ف deviantart ولا wikia.com
دير هكا site:deviantart.com sonic
site:wikia.com sonic
وغادي اخرجو ليك كاع التصاور اختار شي وحدة عاطيا لعين باش تجيب ليك التحميلات حيث لي قلب على صونيك غادي تبان ليه

صافي هادشي لي كاين
جيب رسوم ولا لعبة مشهورة حط الكلمة فالعنوان وزيد حداها كلمة اخرى
الوصف دير فيه كلمات عندها علاقة بهادوك الرسوم 
الايقونة راه ساهلة

وصافي معليك الى تحط اللعبة
ملي صافي غوغل قبلاتها راه ترافيك لي غادي اجي ديك الساع غادي يدخل عندك
كفاش كنعرفو بلي اللعبة خدامة ؟
من admob الى لقيتي impression ديال ديك اللعبة لي حطيتي بدا كيتحرك
صافي كتعرف بلي راه تيليشارجاوها الناس

ولكن خويا مراد واش غادي نربح؟
وي غادي تربح من نهار اللول راه سبام اسهل حاجة
حيث الرسوم مطلوبين وكل نهار كيقلبو عليهم الناس + حنا طالعين فهادوك الكلمات
معليك الى تكتب سمية ديال الرسوم فالعنوان و توجد شي icon مزيانة
مثلا اي واحد قلب على صونيك غادي طلع ليه icon ديالنا غادي يدخل يتيليشارجي و الارباح ديك الساع كتبدا

لفرق فين كاين هو كل لعبة والترافيك ديالها
من خلال التجربة ديالي مع خويا
اقل كلمة فالرسوم كدير 3 اورو فالنهار و اكبر وحدة كدير +100 اورو فالنهار
خاصة الى طلعات ل top ديال شي categorie
لموهيم الارباح غادي تشوفها من ادموب شوف affichage ديال ديك اللعبة واش تزاد

من غير هادشي ملي تحط اللعبة وصافي تقبل .. كتب السمية ديالها فغوغل بلاي وشوف راسك فين طالع
معلومة على غوغل
الى كان الكونط ديالك باقي جديد بلا حتى اندار الالعاب كيدوزو عادي
الى كان الكونط ديالك فيه اندارات بزاف غادي ترفض ليك شي العاب وادوزو شي وحدين خرين
هانية عاود حطهم حتى يتقبلو

غوغل معندهاش نظام خاص معروف لي دار هادي نسد ليه لي دار هادي نصيفط ليه اندار ..لا
كاينين شي العاب غادي ترفضهم ونفس دوك الالعاب الى عاودت حطيتهم و لا شي واحد اخر حطهم فكونط اخر كيدوزو
هانية مع المدة غادي تولفو مزيان وتفهمو البلان

معلومة اخرى
غوغل كتخدم بجوج ديال الحوايج .. روبو و بشر حقيقي (لي خدامين مع غوغل)
الروبو هو لي كيتكلف بقبول الالعاب الجديدة ملي يالله كتحط
ولكن مرة فسيمانة ولامرة فالشهر غوغل كدير حملة على الكونطاط المخالفين ...
الروبو كيتكلف بالكلمات المفتاحية اوتوماتيك كيشدك
والبشر الحقيقي كيتكلف ب top categorie اي لعبة لقاوها تماك سبام ديريكت سدان الكونط

الى دازت ليكم اللعبة راه مزيان ولكن راه ضروري غادي ارجعو ليك ... امتا الله واعلم لموهيم غادي ارجعو
كاينين كونطاط ديال السبام دايرين mickey وباقيين هادي 5 اشهر
وكاينين كونطاط سيمانة كيمشي

حاجة اخرى راه ماشي هير نتوما لي دايرين السبام
الميريكان كايمشيو لسبام ديال التطبيقات youtube downloader
الهند كيشميو ل quiz والشخصيات المشهورة
المغاربة هوما لي دبا داخلين فالرسوم

وعلاش كنديرو سبام؟ حيث طالعين فهادوك الكلمات ماشي على قبل الفلوس
واحسن كيوورد فالعالم هي كيوورد
كيقلبو عليها بزاف ديال الناس + انا طالع فيها
زيد عليهم ايقونة واعرة
=
$$$$

الرسوم مطلوبين وكيقلبو عليهم الناس كل نهار و كل رسوم وترافيك ديالو
حنا طالعين فهادوك الكلمات حيث ماعليهمش منافسة
اشنو بقا؟
icon screenshot صافي
والله اوفق الجميع

كلمات عطيوهم بالتيساع حيث مغاديش طلع فيهم راه منافسة ولات كثيرة وخا سبام ههه
spongebob
mario
sonic
ben ten
chavo
وكاع لي محطوطين بزاف ف google play

كاينين الالاف ديال الرسوم باش تخدمو عليهم .. خليو عليكم هادو حيث مغاديش طلعو فيهم دغيا
+
الى قلبتي على spongebob مثلا غادي اطلع ليك كاع الكونطاط ديال السبامرز
واش بيتي الكونط ديالك اكون معروف عند كولشي وابداو اهزو من عندك الرسوم لي ترافيك ديالهم كثير؟
اللهم بعد على هادو باش ميعرفوكش انا رسوم باش خدام
شوف كلمات راه كاينين بحال
teen titan
dora
tarzan
simpson
slugterra
الخ

مغاديش نعطيكوم كونط ديال كونكول ولا داك الدري لاخر...حشومة...ولكن غادي نقول ليك حاجة وحدة
لي دكي راه غادي اقلب على اي رسوم فغوغل بلاي وغادي اطلع ليه كاع الكونطاط ديال السبامرز
نعطيكم الكلمات teen titans + simpson
غادي اخرج ليكم كونطاط ديال هادوك الدراري لي دويت ليكم عليهم
ولي بغا الكونطاط ديالهم كاملين ماشي هير كونط واحد
شوف هير الخدمة ديال الرسكن و الرسوم لي دايرين
حيث لي نجحات ليه شي لعبة فشي كونط كيعاودها فالكونط لاخر وبنفس الرسكن تقريبا
اي كونط كيتشابه فالرسكن و الرسوم راه نفس الشخص

methode عادية كندوزو للرسوم من الايقونة و العنوان و الوصف
methdoe احترافية كندوزو للرسوم من الوصف فقط.. الايقونة كتشبه لرسوم و العنوان كدلك كيشبه لسمية ديال الرسوم
at No comments:

Saturday, May 30, 2015

كفاش تحل كونط فغوغل بلاي بسمية لي بيتي وبكارط وحدة

هاني رجعت الموضوع ديالنا هو كفاش تحل كونط فغوغل بلاي بسمية لي بيتي
وبكارط وحدة
وهادي مجربها انا.. لخوادري وريتو الدومين ومشا لسبام ديريكت مابغاش اخدم مgاد داكشي علاش انا فاهم السبام مزيان حيث كنوريه وتعلمت منو مع المدة
مزيان
خليني نشرح ليكم لبلان كفاش داير هو اللول باش نعرفو منين ندخلو

كونط google play كيدوز من جوج ديال المراحل
الخلاص (الدفع)
القبول

فهموني مزيان
ملي شي واحد كيشري كونط هداك الكونط كيدوز من هاد جوج مراحل وبالتجربة
انا حافظ مزيان الميساجات لي غادي تصيفط ليك غوغل الى مداز كولشي هو هداك

اول حاجة هي الخلاص
الى كانت لاكارط ديالك (icard my ecard epay etc) خدامة ومافيها مشاكل راه كايدوز الخلاص بلا مشاكل
كيبقى هير القبول

القبول غادي دوز مزيان الى كانو هادو جداد
البي سي
الاي بي

بلا مايقول ليا شي واحد الكوكيز الخ
بحال الشكل لي واقع فالروبو ديال غوغل ملي دوينا عليه كيف قلت ليكم عطيه التحميلات غادي طلع بلا ما تقول ليا النجوم التعليقات الخ
donc بلا ماندويو على كوكيز ولا شي حاجة اخرى

بي سي جديد
اي بي جديد
كارط جديدة
=
كونط جديد معمرو يتسد حيث نتا بالنسبة لغوغل واحد جديد تقيد معاهم

دبا اشنو خاصنا؟
بي سي جديد = VMware Workstation
اي بي جديد = طفي الروتور وعاود شعلو

غادي تبقا هير كارط جديدة
هنا ندوزو لاسهل طريقة باش نgادو فيزا
غادي نخدمو ب visa virtual او فيزا وهمية
اشناهيا هاد الفيزا الوهمية؟

عقلتو ادراري على هديك appareil jetable كنصورو بيها ونهزو منها الفيلم ولوحوها
هكا دايرة فيزا وهمية كتشارجيها بفيزا حقيقية ولا باخرى وهمية وتقضي بيها الغراض وصافي تلوحها

كاينين بزاف ديال الشركات كتعطيك فيزا وهمية تشارجيها و تشري بيها من الانترنت
وهادوك كاملين دايزين فغوغل... اصلا اي كارط فيزا ولا ماستر راه مقبولة فغوغل

نتلر واحد من هاد الشركات وتقدر تشارجيه هير ب bitcoin
نتلر العيب ديالو كاع الفيزات غادي اكون بسمية وحدة donc الى تسد كونط فغوغل غادي تسدو كاملين

وكاين احسن موقع ولي خدمت بيه والطريقة ناجحة 100/100
هو موقع entropay
نشرحو ليكم حيث جربتو وفهمت ليه مزيان

- الطريقة لي غادي نشارجيو بها الفيزا الوهمية هي لاكارط ديالنا my ecard icard webpay etc
مثلا الى شارجيت حسابي ف entropay ب 50 دولار
غادي نمشي نصاوب جوج فيزات
مباشرة غادي تلقى كل وحدة فيها 25
ولكن دير بحساب 1.25 تقريبا على كل تحويل من لاكارط ديالك لفيزا الوهمية
هي 3 تقريبا لي كارط بجوج = 53 دولار

- الى صيفطي ليهم لاكارط ديالك واحد 3 سوايع تقريبا وغادي افعلو الكونط ديالك هادشي غادي اعطيك الحق باش تصاوب شحال ما بيتي ديال الفيزات
من الاحسن سكاني لاكارط وصيفطها ليهم راه دغيا اما الى كنتي محتاج هير فيزا وهمية وحدة راه عندك الحق تصاوب فيزا بلا تفعيل

دبا اشنو غادي نديرو ملي فهمنا لبلان؟
غادي تقيد ف entropay عادي بحال اي موقع
غادي دير فيزا وهمية وتشارجيها بلاكارط ديالك

الى عطاوك فين تحط السمية دير اي سمية بيتي
الى ماعطاوكش السمية و بلاصت السمية ممكتوب والو هير entropay
ديك الساع هانية حتى تمشي لغوغل وغادي تحط اي سمية واي عنوان راه غادي دوز
هادشي كاتبينو ف entropay كيقول ليك هير سير حط اي سمية واي عنوان فلبلاصة فين ناوي تخلص وغادي دوز
صافي هاهيا عندك فيزا

المشاكل لي ممكن توقع باش الكونط فغوغل اترفض هي جوج وفقط
اما فالخلاص يا اما فالقبول
الى كان فالخلاص هانية.. كايصيفطو ليك ميساج بلي الدفع ترفض وكايgولو ليك قاد مشكل لاكارط وعاود صيفط لينا لخلاص
الى لاكارط خدمات صافي عاود صيفط وكيدوز

الفيزا الوهمية كيدوز لخلاص ديريكت بلا مشاكل
مشاكل لخلاص غالبا كتكون من لي كارط العاديين دياولنا webpay icard etc حيث البنك خاصها تقبل لخلاص
اما فيزا وهمية ديريكت كيدوز

الى كان المشكل فالقبول راه باين منين
يا اما بي سي او الاي بي
بي سي واحد وجوج كونطات لا ادراري غادي يتسدو بجوج مديروش هاد البلان

كل كونط ب windows ديالو و اي بي ديالو
صافي هادشي لي كاين
وقتما دخلتو لشي كونط طفيو روتور وعاود شعلوه ودخلو ل VMware Workstation

- الى درتو هادشي وقاديتو فيزا وهمية ودرتو ويندوز واي بي جديد.. مشيتو لغوغل باش تحلو كونط نوريكم اشنو غادي اوقع
من مورا لخلاص بساعة غادي اجيك مساج ديال recu بلي راه طلب الخلاص وصلهم وغادي اسحبو الفلوس من الفيزا (الوهمية)
واحد 5 ديال السوايع وغادي يتقبل الكونط
ولكن غوغل مكاتصيفش ليك مساج خاصك مرة مرة دخل ل google wallet حتى يبان ليك paiement terminé صافي مبروك عليك كونط جديد
انا حليت 3 ديال الكونطات ف 6 سوايع.. جاوني مساجات ديال recu صافي
متنساوش راه مجرب هادشي كاملو
بي سي + اي بي + فيزا = كونط جديد
at No comments:

لبارح شرحت ليكم طريقة البحث على الكيوورد

السلام دراري
لبارح شرحت ليكم طريقة البحث على الكيوورد
شفنا انواع العاب لي كاينين ف top new free 
كاين العاب دايرين ليهم صحابهم اشهار والعاب السبام واخر حاجة العاب لي طالعين هير ب aso
فاي بلاصة كنتو كتقلبو ف google play غادي تلقاو ديما هير هاد 3 انواع
خليناها فالنوع الثالث
وهادي تقريبا راك كولشي كيعرفها ولكن غادي نشرحها بطريقة ديالي
السر فهاد الطريقة هو نجيبو كلمة نكون طالعين فيها اما ترافيك هدي حاجة تجي من بعد
خاصنا ضروري نجيبو 5 حتى ل 6 ديال الكلمات تكون فيهم المنافسة ضعيفة
انا كنخدم ب searchman
كنعتامد على volume + hits
ياك انا كنعطيكم شي حاجة ديالي و خاصة باش بديت زعما؟ صافي باش تبع كلامي مزيان وطبقو
searchman منجم ديال الدهب فيه كولشي نشرحو ليكم
volume هدا حجم ديال الترافيك كيعطيوك هير نسبة واحسن وحدة راه باينة 100/100
ديما اختار من 10/100 لفوق
hits هدا كيعني شحال من تطبيق كيخرج ملي كتكتب هديك الكيوورد
وهدا هو لي غادي نعتامدو عليه حنا حيث خاصنا نكون طالعين فهديك الكيوورد
ديما اختار - 200/250
حيث الى كان 250/250 راه كثر من 250 تطبيق كيخرج فهديك الكلمة
الى كان 100/250 مزييييانة يالله 100 تطبيق لي كيخرج
ولكن نشرح واحد لحاجة بعدا
مثلا هدوك 100 تطبيق لي غادي يطلعو راه ماشي كولهم عندهم هديك الكيوورد
كاين لي عندو هير نصها كاين لي عندو هير فالوصف وكاين لي هير طالع فيها هكاك
حيث الروبو ديال غوغل كيطلع حتى الالعاب لي هير كيشبهو لكيوورد... الى كنت كاتب banan فالعنوان غادي نطلع مع 
كيوورد banana ولكن الى جا شي واحد وكتب هديك banana كاملة فالعنوان غادي اطلع قبل مني
تمنى تكونو فهمتوني اش بيت نgول وحاجة اخرى على داك الروبو
مثلا الى كتبتي banana ولقيتي تماك شي لعبة مثلا ديال اطفال ودخلتي ليها وجا واحد اخر دار نفس شي وهكاك بقات
هداك الروبو غادي اولي اطلع ديك اللعبة ديال الاطفال فكيوورد banana وخا هداك مول اللعبة محاطهاش فالعنوان ولا فالوصف
هير كنفهمكم هداك الروبو كفاش كيخدم راه حافظو مزيان
لي بيت نوصل ليكم هو هديك 100 تطبيق مثلا لي غادي تبان فديك الكيوورد
ماشي كولهم غادي اكون حاطينها كاملة كاين بزاف منهم من هدوك المثال ديال banan الخ..
غادي نقدرو نطلعو قبل منهم دغيا وساهلة كل ماعلينا هو نحطو الكيوورد كاملة
كفاش دبا غادي نجيبو الكييورد
اي كلمة volume ديالها كثر من 10/100 و hits قل من 200/250
دير ملف نصي وكتب فيه كاع هدوك الكيوورد لي عندهم علاقة باللعبة ديالك
عارفيني دبا وليتو كنعطيكم المفيد ديريكت
نقول ليكم واحد الحاجة؟ طبقو هاد الطريقة ديال volume و hits 
واحسن كلمة هي 100/100 ف volume و 0/250 ف hits
ههه راه باينة
لموهيم كل مكان volume طالع و hits نازل هديك الكيوورد هي لي نختار
ومن لفوق حنا غادي نديرو على الاقل 6 ديال الكيوورد بنفس الطريقة volume طالع و hits نازل
وماشي مهم تكون الكيوورد عندها علاقة باللعبة هير متكونش بعيدة بزاف
+ حنا اصلا غادي نبقاو نبدلو فالكيوورد مرة مرة وهادي غادي نشرحوها فالموضوع الخاص ب methode ديالي
لموهيم ملي نجيبو هدوك الكلمات المفتاحية كاملين اشنو باقي؟
كفاش غادي نكتبوهم فالعنوان والوصف
العنوان
غادي تحط فيه الكيوورد لي عندهم volume كثر من لخرين
مدام طالعين فيهم كاملين نديرو احسن وحدين فيهم ونحطوهوم فالعنوان
حيث الكلمات ملي تايكونو فالعنوان كتشد بلاصة كثر من الكلمة لي جاية من الوصف
وهادشي كاندويو وحنا عندنا 0 تحميل
اما ملي تجي التحميلات راه كتولي شاد المرتبة ديالك بالرقم فكل كيوورد عندك
لموهيم ديرو فالعنوان اكبر كيوورد عندكم يا اما جوج ولا ثلاثة ولا حتى ربعة هانية
الوصف
معلومة على اول 167 حرف حتى الفراغ space كيتحسب حرف
هداك السطر اللول ديال الوصف بحال الى قلنا عنوان ثانوي
اي كيوورد حطيتيها تماك غادي طلع قبل من واحد حاط هديك الكيوورد فالوسط ديال الوصف
تقدرو تعتابروها بحال عنوان صغير
حنا غادي نحطو فهداك السطر الكيوورد لي كايجيو من بعد العنوان ف volume
دبا نوريكم كفاش نكتبو وصف مزيان باش غوغل ماتصيفتش لينا اندار على stuffing keyword
غادي تجيبو اي وصف من اي موقع ديال العاب الفلاش ولا غوغل بلاي نيت
لموهيم وصف عادي مافيه كيوورد كتشرح فيه هير اللعبة واشنو فيها
بحال 
Would you like to join the XXXX to start the exciting XXXX adventure in XXXX? GO.
XXXX is going on a new XXXX adventure and he need your help!
1.Just tap the screen to let the XXXX jump.
2.Collect XXXX as many as you can,do not fall off the XXXX.
3.Run to the end of the XXXX to pass the level.
**Game Features -
# Multiple XXXX Levels
# Bullet firing capability
# Amazing HD High quality graphics
Enjoy the jungle fire Run game & do leave a feedback that will help us improve...!
هدوك بلايص xxxx تماك فين غادي ديرو كيوورد وهكاك لكاع الالعاب
متنساوش هداك السطر اللول 167 حرف راه بحال شي عنوان صغير
صافي دبا جبنا الكلمات ديالنا وعارفين كفاش نحطوهوم اشنو بقا؟
غادي تجيب الغرافيك ديال اللعبة ديريكت الفوطوشوب تقاد اللخلفية و الشخصية و الاعداء
من بعد غادي تقاد سكرين شوت وايقونة
ديريكت اكلبس
غادي تبدل package name والسمية ديال اللعبة فملف string المعرورف
واخر حاجة الكود ديال ادموب 
هادشي يالى مكان صاحب الكود طلب منك تبدل شي حاجة اخرى
اما هدو ثلاثة ديال احوايج لي ضروري اتبدلو
package name راه هو الرابط ديال اللعبة ديالك
دير package name ديالك قدام هاد الرابط وغادي تخرج اللعبة ديالك
داكشي علاش ضروري يتبدل مايمكنش يكون جوج لعبات بنفس الرابط
ملف string فيه سمية ديال اللعبة لي كتبان فالبورتابل ملي كيتيلشارجيها شي واحد
ضروري تبدل حتى هي
والكود ديالنا ديال ادموب هو اهم حاجة
ملي تسالي هاد السيستيم لي درت ليكم
غادي دير export وهانتا عندك apk
اشنو عندنا دبا؟
عنوان ووصف فيهم كلمات مفتاحية غادي تجيب لينا الترافيك ان شاء الله
عندنا ايقونة وسكرين شوت لي قادينا فمرحلة الفوطوشوب
و apk فيها الكود ديال admob
هاد 5 ديال الحوايج قلت ليكم عقلو عليهم مزيان
باش نهار لي تلف ليهم الدومين ابقى شاد فهاد الخمسة ديال الحوايج لي كيطلب لينا غوغل
وهاوما عندنا كاملين
ما عليك الا دير store listing
و publier اللعبة ديالك والله غادي اوفق الجميع
شفنا الطريقة ديال aso وفابور
كفاش نجيبو كيوورد وكفاش نحطوهوم فالعنوان و الوصف
icon وريتكم لبارح منين تجيبوهم
اما سكرين راه خلفية مزيانة دير فوسطها شخصية و الادعاء على حساب الدوق ديالك وغادي طلع سكرين واعرة بلا ماتحتاج تصور سكرين من وسط اللعبة
بقات لينا apk 
غادي نعطيكم كودات لي عندي باش تخدمو
هوما نيت لي حاطين الدراري هنا معمرني شريت شي كود حتا لشهر الجاي ان شاء الله وداعا الفابور
انا هير جمعتهم وصافي وشكرا لكاع الدراري لي شراوهم ومجموعة GA | Number One
هادو لي كنت خدام بيهم
كود مزيان الصراحة وتقدر تخرج منو بزاف ديال العاب
كود زوين
هدا عزيز عليا
هادو من اختياري اخدمو ليكم مزيان ومطلوبين
(الالعاب لي يقدر العب فيها كاع الاعمار راه مزيانة خاصها تكون ممتعة وكوميك)
متنساوش تبدلو فيهم ماشي تحطوهوم كيفما هوما بنفس الفكرة هادو هير كود سورس من السمية يبان ليكم لبلان
نتا دير غرافيك ديالك و بفكرة خاصة على حسب الكيوورد لي غادي دير
مثلا الى كانت لعبة كرتونية ديال السيارات بحال هدي road-killer-with-admob
الى بينا نردوها صالحة لكولشي ماشي هير لصحاب السيارات
اضعف الايمان نخليو سيارة هيا هيا و نديرو فوقها شي شخصية كوميك ولا حيوان هو لي سايg 
هاكا غدي تولي لعبة فشكل اخر ماشي هير ديال السباق
هكا غدي ديرو لكاع الالعاب حاولو تردوهم صالحين باش العب فيهم كولشي
كودات مخلطين chupa+unity+eclipse
سيستيم باش تخدمو بالترتيب
1 جيب كيوورد هيا لولى
2 جيب غرافيك لي خاصك لايقونة و السكرين و الخلفية الخ...
3 فوطوشوب icon و screenshot
3 اكلبس apk
4 نحطو اللعبة فغوغل بلاي
5 $$$
عندكم كولشي باش تخدمو وباقي الموضوع ديال methode ديالي الخاصة باش خدام
هدي طريقة ديال aso فابور
ومتنساوش كدلك الكيوورد نقدرو نجيبوهوم من top new free نحيدو هير العاب السبام ولي دايرين ليهم صحابهم اشهار وغادي ابقى قدامك هير
العاب ديال aso من تماك نجيب كيوورد راه خدامين مزيان يا اما من searchman ولا خلطوهوم بجوج كيف ماكنت كندير
كيوورد من هنا ولخرى من لهيه
واخا تكون الكيوورد بعيدة على اللعبة ديالكهانية هير متكونش عليها حقوق والكيوورد لي عليها حقوق هيا اي كلمة موراها شركة ولا شخص كيربو بها الفلوس نتا ماخصكش ديرها
بحال الرسوم ماوكلي النمر المقنع الخ... الشخصيات بحال الفنانين الخ الالعاب كاملين من ديال البورتابل حتى ل ديال xbox
واي حاجة عنجها مولاها راه عندها حقوق
انا دبا و كيف العادة هير تنشرح ليكم الدومين واشنو فيه
من الاحسن تكونو فاهمين على نجي ونقول ليكم ديرو وصافي
نصيحة
- مرة مرة شوف statistiques ديال اللعبة ديالك ف google play باش تعرف شحال من واحد دخل فالنهار
كاين بزاف ديال المعلومات تماك مهمة
احسن وحدة عندي هيا شحال من واحد تيليشارجا لعبة ديالي فالنهار
خاصة ملي نكون طالع ف top new free كنبدل ديك الساع الكيوورد لشي كيوورد صعاب
حيث عارف الترافيك غادي اجي من top new free
لموهيم مرة مرة طلو تماك شحال من واحد دخل خاصة ملي طلعو ranking فشي بلاد ديك الساع غادي ضمنو ترافيك يومي باش تقدرو تبدلو فالكيوورد
tools للمبتدئين
اكلبس luna
32 
64
برنامج BlueStacks الذي يقوم بتشغيل العاب و برامج الاندرويد على الحاسوب
البرنامج يعمل على انظمة التشغيل التالية : Windows Xp,Vista,7,8 Or MaC
رابط التحميل من الموقع الرسمي : 
طريقة تشغيل محاكي الاندرويد Bluestacks على برنامج Eclipse
اسهل واخف برنامج هو bluestacks
غادي نلوح ليكم مرة مرة شي كودات لموهيم هانتوما عارفين النوعية لي غادي توليو تخدمو عليها
اما انا دزت ل unity3d اكلبس مشا ..والدراري لي خدامين ب unity دبا نحط ليكم 36gb ديال الكودات ان شاء الله
يتبع...
at 2 comments:
Subscribe to: Posts (Atom)